“မိုဘိုင်းအော်ပရေတာများပူးပေါင်းပြီး အင်တာနက်အသုံးပြုမှု အသိပညာမြှင့်တင်မည်”

0
256

MPT, Ooredoo, Telenor နှင့် MyTel တို့ ပူးပေါင်း၍ မိုဘိုင်းဖုန်း အသုံးပြုသူများ၏ အင်တာနက် အသုံးပြုမှုများအတွက် ဒေတာများ လျော့နည်းသွားခြင်း (သို့) အသုံးမပြုသော်လည်း ဖုန်းဘေလ်များ ဖြတ်တောက် ခံရခြင်းများမှ ကင်းဝေးနိုင်စေရေးအတွက် နိုင်ငံတစ်ဝန်းရှိ မိုဘိုင်းဖုန်းသုံးစွဲသူများထံသို့ အသိပညာပေးမြှင့်တင်ရေး လှုပ်ရှားမှုများကိုဆောင်ရွက်သွားမည်ဖြစ်ကြောင်း သိရသည်။

အချို့သောသုံးစွဲသူများမှာ အင်တာနက်အသုံးပြုမှုနှင့်ပတ်သက်ရာတွင် ၎င်းတို့၏ မိုဘိုင်းဖုန်းစနစ် (သို့) အသုံးပြုမှုအနေအထားများက မရည်ရွယ်ဘဲနှင့် ဖုန်းဘေလ်များဖြတ်တောက်ခံရခြင်း (သို့) ဒေတာ များ ကုန်ဆုံးသွားခြင်း အခြေအနေများ ဖြစ်ပေါ်တတ်ပြီး သတိမပြုမိခြင်းများ ရှိနေတတ်ပါသည်။ အဆိုပါ အကြောင်းအရာများအား ကူညီဖြေရှင်းပေးနိုင်ရန် သက်ဆိုင်ရာ ဆက်သွယ်ရေး အော်ပရေတာ တစ်ခုချင်းစီအလိုက် ၎င်းတို့၏ မိုဘိုင်းသုံးစွဲသူများအတွက် မှန်ကန်သော အင်တာနက် ချိတ်ဆက် အသုံးပြုပုံနှင့် မလိုလားအပ်ဘဲ ဒေတာများ ကုန်ဆုံးခြင်းမှ လျှော့ချနိုင်စေရေးနှင့် ဖုန်းဘေလ်ဖြည့်သွင်းပြီးသည်နှင့် ဖြည့်သွင်းလိုက်သည့် ပမာဏ ငွေများ လျင်မြန်စွာ မကုန်ဆုံးသွားစေရေး အစရှိသည့် နည်းလမ်းများကို ဝေမျှရန် စီစဉ်ခြင်းဖြစ်ကြောင်း သိရသည်။

ရဲလင်းလင်းသန်း

LEAVE A REPLY

Please enter your comment!
Please enter your name here